Valbona Dërdovski është më shumë se një artiste – ajo është një udhërrëfyese për të tjerët që duan të krijojnë, të mësojnë dhe të ecin me kohën. Ajo beson se mësimi nuk ndalet kurrë, dhe se një trajnere e suksesshme, është ajo që vazhdon të mësojë vetë, çdo ditë.
 

Përmes punës së saj, ajo nuk ofron vetëm art – por frymëzim të vërtetë për të marrë hapin e parë drejt krijimtarisë personale. Artiste vizuale, trajnere e parë në rajon dhe mentore e edukimit modern kreativ.

​

                                                                                            *****

Valbona Dërdovski, e lindur më 28 mars 1966 në Prizren, është një artiste autodidakte me një rrugëtim të jashtëzakonshëm në fushën e artit bashkëkohor dhe trajnimeve krijuese. Ajo nisi rrugëtimin e saj në vitin 2011 me teknikën e artit me pika, një stil unik që më vonë e ktheu në metodë edukimi dhe ekspresioni artistik.

Me kalimin e viteve, Valbona shtoi në repertorin e saj artistik edhe artin me resin, artin me pastë teksture dhe përpunimin e formave me silikon, artin në porcelan dhe artin e qirinjve artistikë, duke krijuar një univers të plotë krijimtarie që i ka tërhequr ,mijëra ndjekës e kursantë.

🎓 Në vitin 2016, ajo themeloi kurset e para live në Kosovë dhe Shqipëri për artin me pika dhe artin me resin, duke u bërë trajnerja e parë në rajon që ndërtoi një sistem të plotë trajnimi për këto teknika vizuale.   Në vitin 2020, Valbona mori një vendim të qartë për të ofruar edhe kurset në format online, duke ndërtuar një sistem të mirëstrukturuar për mësim profesional në distancë.
Ajo është ndër të parat në rajon që ka integruar inteligjencën artificiale në kurset e saj artistike, duke u dhënë kursantëve mundësinë të zhvillojnë jo vetëm aftësitë krijuese, por edhe prezencën e tyre digjitale – nga menaxhimi i rrjeteve sociale, deri te ndërtimi i faqeve personale online.
 

📈 Deri sot, Valbona ka trajnuar mbi 2000 studentë, nga të cilët shumë kanë vazhduar rrugën e tyre si trajnere arti. Kjo është një dëshmi e ndikimit të saj real në komunitetin artistik dhe edukativ.

Ajo është autore e botimeve, përfshirë:

• Libri " Art Me Pika" - 2020,

• Libri " Si i bëra një milion..."- 2024,

• Libri " Kthehu tek Ti" - 2025,

• Libri " Të Jesh Artist" - 2025,

• Ditarin artistik me ushtrime emocionale dhe vizuale.

• ​

🎨 Në aspektin ekspozues, Valbona ka realizuar 7 ekspozita personale dhe grupore, dhe ka marrë pjesë në 12 workshop-e kombëtare dhe ndërkombëtare, përfshirë edhe një ekspozitë në Shtetet e Bashkuara të Amerikës.

​

     Sot Valbona vazhdon të jetë trajnere e denjë për gjithë ata që e adhurojnë artin dhe duan të mësojnë nga ajo.

​

​

​